Felleskyrkjeleg reformasjonsjubileum i Brynekyrkja

Felleskyrkjeleg reformasjonsjubileum i Brynekyrkja

Av: Stein Ødegård
Publisert: 04. Oktober 2017
På kveldsgudsteneste sundag 15.oktober vert reformasjonsjubileet hausten 2017 markert med fellesgudsteneste for kyrkjeforsamlingar i Bryne. Tema er: «Frelsa er ikkje til sals».

Fellesgudstenesta er eit resultat av tillit og godt samarbeid mellom dei lokale kyrkjene. Dette er ikkje sjølvsagt, men desto viktigare.  Resultatet av reformasjonen vart nemleg oppdeling i ulike, splitta kyrkjer som sto og har stått mot kvarandre.  Då kjennest det ekstra viktig å markera eit jubileum med å forplikta seg til samarbeid og eit godt vitnesbyrd om å vera eitt i Kristus og stå saman om det sentrale i kristen tru.

Kveldsgudstenesta har Stein Ødegård som liturg, Johannes Kleppe som predikant og panelinnlegg om sider av reformasjonen som er viktige i dag i dei ulike forsamlingane.  Her bidreg Håvard Sandve frå Frikyrkja, Thorleif Bruseland frå Misjonskyrkja, Thomas Rake frå Bedehuskirken og Jens Olav Mæland.

Som alltid har kveldsgudstenester i Bryne kyrkje stille tid med nattverd og bønnevandring.  Lovsangsband bidreg med god musikk.  Kvelden blir avslutta med kyrkjekaffi med god tid til drøs og til å knytta kontakt og vennskap.  

Fleire sakar:
KAMPANJE: NYTT FLYGEL
Bryne kyrkje er godt eigna til konsertar, kulturopplevingar og arrangement. Lenge har me sakna eit konsertflygel, og no er tida inne for å gjera noko!
LES MEIR | 22. Juni 2017
Reformasjonsfinale med "verdighet"
På kveldsgudsteneste sundag 19.november vert reformasjonsjubileet hausten 2017 avslutta med temaet «Menneske er ikkje til sals». Føredraget for kvelden er ved Jørn...
LES MEIR | 09. November 2017

Kva skjer?
Les også:
Jul i Brynekyrkja 2017
Vi har gleden av å presentera eit bredt program av julekonsertar og arrangement i Brynekyrkja i år.
LES MEIR | 22. November 2017
Julemesse 25.11.2017
Siste laurdag i november er eit av høgdepunkta i året i Bryne kyrkje! Julemessa er årets store dugnad for barne- og ungdomsarbeidet i kyrkjelyden. 25% av pengane som kjem...
LES MEIR | 03. November 2017

- DEN OPNE FAMNS KYRKJE

Ei kyrkje for gode relasjonar, raus i sitt mangfald, tydeleg i si retning
Powered by Cornerstone