Spor av vinden
Pinsedag - Joh.14,15-21

Spor av vinden

Av: Stein Ødegård
Publisert 24. Mai 2015
«Vinden bles der han vil.» Du merkar han titt på Jæren. Men kor helligåndsbrisen i vår by kjem frå og fer av? Ikkje godt å forutsjå og forstå seg på.

"Elskar de meg, så held de boda mine. Då vil eg be Far min, og han skal gje dykk ein annan talsmann, og han skal vera hos dykk alltid: Sanningsanden, som verda ikkje kan ta imot. For verda ser han ikkje og kjenner han ikkje. Men de kjenner han, for han bur hos dykk og skal vera i dykk. Eg vil ikkje la dykk vera att som foreldrelause born. Eg kjem til dykk. Om ei lita stund ser ikkje verda meg lenger. Men de ser meg, for eg lever, og de skal leva. Den dagen skal de skjøna at eg er i Far min, og at de er i meg og eg i dykk.

Den som har boda mine, og som held dei, den er det som elskar meg. Og den som elskar meg, skal Far min elska. Ja, den som elskar meg, skal eg òg elska og openberra meg for.» (Joh.14,15-21)

«Vinden bles der han vil.» Det veit me på Jæren.  Ganske mykje vind frå mange kantar.  Vinden er ikkje god å stoppa. Ikkje lett å verta klok på. Ustadig i temperatur, retning og styrke.  Det er opp og ned om yr og storm klarer melda han også, der han er på veg.

«Vinden bles der han vil.»
Me veit det på Jæren, og høyrer Jesus sei at slik er det med den som er fødd av Anden. «Vinden bles der han vil.» Du merkar vinden, høyrer suset, ser spor av Ånd, sikkert ein aning svakare enn pinsedagslyden «som når ein sterk vind bles» og halve Jerusalem kjem i ekstase og undring.  Men kor helligåndsbrisen i vår by kjem frå og fer av? Ikkje godt å forutsjå og forstå seg på. 

Så korleis skal ein då halda pinsedagspreike i 2015?  Eller lengta målretta etter meir ånd i livet. Når Guds Ånd og vind bles der han vil, korleis kan me vanleg dødelege nærma oss mysteriet og få nokre av hemmeghetane fram i lyset eller inn i livet? Me er verken yr eller storm heller. Sit ikkje på satelittbilder og inndata om vindretningane Ånden kjem på.  Me kan bare melda om nokre av virkningane. Kva me har erfart, ikkje kva som er på gang.  Ganske så lite om han det gjeld, det underlege mysteriet med den tredje personen i guddommen.

Me får leita etter spor der vinden fer. Etter virkningar.  Forsiktige blikk inn i hemmelegheter me aldri kan få kontroll på.

Det får vera via teksten på pinsedag.  Jesus sine ord.  Dei er gode.  Dei er elegante. Dei liknar ei kinesisk øskje, der det dukkar opp ei ny inni den første du har fått opna på.  Kanskje er det fleire av dei før du finn hemmelegheten. 

Litt leiteresultatet frå pinsedag 2015 kan lastast opp frå fila under...

Relaterte dokumenter

Om meg

Eg starta som sokneprest i Bryne 1.aug 2008. Det var å koma heim. Å få gje tilbake der eg har fått så mykje.
 
Eg er fødd 6.juli 1957, oppvaksen på Løge i Time, døypt, konfirmert, gift (med Liv Torunn frå Oma) og presteordinert i Time kyrkje (av Sigurd Lunde 22.juni 1984).

Før eg fòr til Oslo med teologi på MF og til 24 presteår i Agder og Telemark (Tokke, Lyngdal, Evje og Hornnes), vart retninga på livet djupt forma av å bli med på oppstarten av ungdomskoret TeDeum og det første styret i Ungkyrkja. 
 
Nå er eg komen heim og kjenner det stort å vera midt i den store utviklinga i byen Bryne og bidra til at Brynekyrkja er ein viktig faktor for folk og by.
OM PRESTEN SI VERD...
Med ujamne mellomrom blir preiker i gudstenesta lagt ut på denne sida.

Det forkynte gudsordet har størst kraft og relevans når det er ferskvare i kyrkjefellesskapet.

Men om enkeltpersonar og grupper i kyrkjelyden vil reflektera eller samtala om tekst og preike i ettertid, så kan det vera til hjelp for å leva med Gud i kyrkjeåret sin rytme.

- Stein Ødegård

Meir frå presten si verd
Guds tid inn i vår tid
Matteus 1,20-21. Nyttårsdag i Time kyrkje
Guds tid inn i vår tid
Kyrkjeåret er gylden tid i tida, fylt med trua og håpet sin ABC. I mine tider kjem Guds tid. Med mine fylte hender, vert eg lagt i Gud si hånd. I mine travle steg,...
LES MEIR Publisert: 08. Januar 2018
Gå heim og kyss din kvardag
Juledagsgudsteneste 2017. Johannes 1,1-14
Gå heim og kyss din kvardag
Heilt frå Jesu tid har menneske vorte dregne mot Jesus fordi han var god, gjorde det gode, talte og handla med kraft. Han var det sannaste av alle menneske. Og samtidig...
LES MEIR Publisert: 28. Desember 2017
Kva skal me gjera og venta på?
Lukas 3,7-18. Tredje sundag i adventstida 17.12.2017
Kva skal me gjera og venta på?
Guds ord er ikkje ferdig snakka når det er avlevert. Ordet er skapande. Ordet ventar respons. Det kjem frå Gud. Det skal tas imot og føra til noko.
LES MEIR Publisert: 18. Desember 2017
Evigheten og øyeblikka
Matteus 25,31-46. Siste sundag i kyrkjeåret 2017
Evigheten og øyeblikka
På dommens dag vert det ikkje spurt etter plass i kyrkjelandskapet eller dogmatiske teoriar og læresetningar, men etter kjærleik. Trua sin kjærleik som ser Jesus overalt der Jesus er å sjå.
LES MEIR Publisert: 27. November 2017
Vellukka eller salig
Allehelgensdag 2017. Matteus 5,1-12
Vellukka eller salig
Dei folka Jesus kallar salige, har ikkje vunne i livet si store lottotrekning eller karra seg opp klatrestigen eller bygd eit image som tyder på at her går livet på beine...
LES MEIR Publisert: 08. November 2017

- DEN OPNE FAMNS KYRKJE

Ei kyrkje for gode relasjonar, raus i sitt mangfald, tydeleg i si retning
Powered by Cornerstone