"Vi såg hans herlegdom" - Var det når...?Hyrdenes tilbedelse
Johannes 1,1-14 - Juledag

"Vi såg hans herlegdom" - Var det når...?

Av: Stein Ødegård
Publisert 27. Desember 2013
Johannes sitt juleevangelium endar med eit vi! ”Vi såg hans herlegdom!” Kven er ”vi”? Er det oss? Er me rett og slett målet for Johannesprologen sitt enorme sveip over tid og rom, historie og evighet, mørke og lys, skaping og frelse.

Joh.1,1-14:

I opphavet var Ordet,
Ordet var hos Gud,
og Ordet var Gud.

Han var i opphavet hos Gud.
Alt vart til ved han,
og utan han vart ikkje noko til.

Det som vart til
i han, var liv,
og livet var lyset for menneska.
Lyset skin i mørkret,
og mørkret har ikkje overvunne det.

Eit menneske stod fram, utsendt av Gud; namnet hans var Johannes. Han kom for å vitna. Han skulle vitna om lyset, så alle kunne koma til tru ved han. Han sjølv var ikkje lyset, men han skulle vitna om lyset.

Det sanne lyset,
som lyser for kvart menneske,
kom no til verda.

Han var i verda,
og verda vart til ved han,
og verda kjende han ikkje.

Han kom til sitt eige,
og hans eigne tok ikkje imot han.

Men alle som tok imot han,
dei gav han rett til å bli Guds born,
dei som trur på namnet hans.
Dei er ikkje fødde av kjøt og blod,
ikkje av menneskevilje
og ikkje av manns vilje,
men av Gud.

Og Ordet vart menneske
og tok bustad mellom oss.
Og vi såg hans herlegdom,
ein herlegdom som den einborne Sonen
har frå Far sin,
full av nåde og sanning.


Johannes sitt juleevangelium endar med eit vi! ”Vi såg hans herlegdom!”

Kven er ”vi”? Er det oss? Er me rett og slett målet for Johannesprologen sitt enorme sveip over tid og rom, historie og evighet, mørke og lys, skaping og frelse. ”Vi såg hans herlegdom!” Er det konklusjonen, målet, poenget, responsen? Er det dit me skal førast denne juledagen? Kvar gong dei første linjene i Johannesevangeliet opnar døra til mysteriet Gud og hans brann etter å nå oss med frelsande kjærleik.

Vi såg hans herlegdom!” Gjorde me det? Kva tid då? Korleis?

1.  Var det nå?  Er det når verselinjer og musikk får røra med oss.  Himmelske tonar driv jo og fyller øyregangane heile jula.  Kanskje dei er augene me ser Jesu herlegdom med?  For mange er det musikken som opnar augene.  Julebudskapet får faktisk ikkje tak i oss før tonane smyg seg inn med vare instrument eller trengjer seg på med feite gospeltonar eller mektige oratorium. 

Eller er det andre sider av kunsten sin måte å opna auge på som gjer at me får sjå Jesu herlegdom?  Bildande kunst?  Litteratur? Julekrybber? Maria med barnet?  Barn som spelar og framfører? Eller er det poesien som treff? Poesien med rytme og bilde-skapande ord tek tak.  Johannesprologen er poesi, rytme, musikk i seg sjølv og treffer oss på kanalar andre slags ord ikkje gjer.

Eg har snakka med og lese om folk som oppdagar Jesu herlegdom gjennom kunst- og kulturbriller. Kunsten i kyrkja her gjer noko med oss! Og kven har ikkje kjent at barnetru og kunnskap om Jesus langs livet sin veg kunne bli fornya langs kulturelle veger.  Har det skjedd denne jula?  Kanskje i dag?  Vi såg Jesu herlegdom i kunsten sitt uttrykk og inntrykk?

2.  Eller:  Var det når me såg lyset vinna over mørket? Vi såg Jesu herlegdom i alt det gode som fylgjer Jesu navn. Nokre ergrar seg grøne over alt som er mørkt og galt og seier at Gud neppe er både god og allmektig.  Andre av oss tykkjer at det gode si gåte er vel så stor som det vonde si gåte er. 

At godheten fins, er ikkje det eit større gudsbevis enn vondskapen er det motsette?  Er ikkje inspirasjonen frå Jesu liv og forkynning eit større lysglimt i historien, enn alt det vanskelege og vonde som er gjort, også i Jesu namn, eller i kyrkja sitt namn?

Resten av preika kan du lesa i lenka under...

Relaterte dokumenter
Arkiv alle preiker
Eit bål for framtid
Bålpannegudsteneste Kristi forklaringsdag 2021 - 2.Mos.3,1-6
Eit bål for framtid
Plutseleg ein dag brenn det eit bål. I det triste livet. Ikkje i ei bålpanne, men i ein busk.  Og busken brenn ikkje opp slik som ved elles gjer.  Kva er dette?
LES MEIR Publisert: 08. Februar 2021
Å leva er håp
Kveldsgudstenesteserie om håp 24.01.2021 - Johannes 9,1-7 + 35-38
Å leva er håp
Eit mønster i evangeliet. Håpet sitt mønster. Jesus sitt. Medmenneske sitt. Kva nå? Kva vil du gjera, Gud? Kva vil du eg skal gjera? Å leva er håp. Og Jesus og håpet er venner.
LES MEIR Publisert: 25. Januar 2021
Kven er han?
Kristi openberringsdag 2021 - Lukas 2,40-52
Kven er han?
Foreldre tok han med til religiøse høgtider. Slikt kan setja djupe spor. Foreldre som tek ungar med der det kan skje. Tommel opp for trusopplæring. Men i dette tilfellet...
LES MEIR Publisert: 04. Januar 2021
Lyset i mørkret
Juledag 2020 - Johannes 1,1-14
Lyset i mørkret
Spør me: Kvifor Gud? Kvifor grip du ikkje inn og ryddar opp i alt elendig og vondt? Jesu føderom svarar: Det er bare kjærleiken som kan gje varig endring og fred. Bare lyset som overvinn mørkret.
LES MEIR Publisert: 26. Desember 2020
Er det nå det skjer?
1.sundag i adventstida 2020 - Lukas 4,16-22
Er det nå det skjer?
Wow! Ein profeti realisert. Lengsler oppfylt. Nådeår frå Herren. Er det nå det skjer? Det me drøymer om og lengtar etter. Her? Med oss?
LES MEIR Publisert: 30. November 2020
OM PRESTEN SI VERD...
Med ujamne mellomrom blir preiker i gudstenesta lagt ut på denne sida.

Det forkynte gudsordet har størst kraft og relevans når det er ferskvare i kyrkjefellesskapet.

Men om enkeltpersonar og grupper i kyrkjelyden vil reflektera eller samtala om tekst og preike i ettertid, så kan det vera til hjelp for å leva med Gud i kyrkjeåret sin rytme.

- Stein Ødegård

- DEN OPNE FAMNS KYRKJE

Ei kyrkje for gode relasjonar, raus i sitt mangfald, tydeleg i si retning
Powered by Cornerstone